École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Seconde moitié XIIe siècle » 1160-1196

De compositione inter nos et Helenam de Atyes.

  • A Original en parchemin. — Inv., p. 64, l. 7, nº 7.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

M[auricius], Dei gratia, Parisiensis episcopus, universis, ad quos presens pagina pervenerit, perpetuam in Domino salutem : Cum ad nostrum spectet officium domesticis fidei et nostris precipue subditis pacem providere et conservare, universitati vestre notificare decrevimus monachos Sarnaii et Helenam, cognomento de Campania, composuisse in hunc modum, super controversia que mutuo versabatur inter eos, occasione terre, supra quam fundatus est murus grangie monachorum jam dictorum, apud Athies site. Predicta H[elena], cum assensu filiorum, quicquid antea, et in terra illa et in ipso niuro, ad se pertinere asserebat, monachis predictis in perpetuum concessit, acceptis de caritate ipsorum XL solidis ; ita etiam quod stillicidia grangie illius liberum habebunt casum in curiam ipsius Helene, et vice versa stillicidia domus H[elene] in curiam monachorum. Et, si voluerit sepefata H[elena] domum edificare justa murum monachorum, poterit libere, tamen absque omnimodo muri detrimento. Hujusmodi compositioni presentes fuerunt : Leonius, tunc temporis prior de Athies ; Galterius de Chateron ; Guido de Trosoil ; Guido, clericus, de Trosoil ; Simon, miles, de Grangi ; Laurentius de Montibus ; Landricus de Noisi ; Guillelmus frater Augardi Borgois.