École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 15 sept. 1280

De mortificatione unius acre et dimidie empte a Henrico Johannis et ejus uxore. "

  • A Original en parchemin2. — Inv., p. 72, l. 1, nº 14.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis tam presentibus quam futuris presentes litteras inspecturis, Johannes de Bosco-Girelmi, miles, salutem in Domino : Noverit universitas vestra quod cum Henricus Johannis, Ysabellis, ejus uxor, Johannes, dictus Borel, et Maria, ejus uxor, homines mei, residentes et tenentes mei, vendiderint et concesserint religiosis viris abbati et conventui Vallium Sarnaii unam acram et dimidiam terre arabilis1, sitam in territorio de Bosco-Girelmi, juxta terram monachorum de Sarnaio et juxta terram Guillelmi, dicti Rabonel, et juxta terram Henrici de Porta, pro sexaginta solidis parisiensibus ; de qua acra terre et dimidia dicti homines mei michi reddere consueverant tres denarios annui redditus, ego predictus Johannes, miles, dominus capitalis dictorum hominum et dicte acre terre et dimidie, intuitu pietatis et pro salute anime mee et antecessorum meorum, dictam venditionem, dictis religiosis factam, ratam habeo et gratam. Volo etiam et concedo quod ipsi dictam acram terre et dimidiam teneant in perpetuum, in proprios usus suos et in manu mortua, absque ulla reclamatione mei vel heredum meorum de cetero facienda. Et de dictis tribus denariis censualibus dedi eisdem religiosis et eorum successoribus duos denarios, ita quod de cetero non teneantur solvere michi vel heredibus meis nisi unum denarium in recognitionem dominii capitalis. Et in horum omnium testimonium, ad peticionem dictorum religiosorum et venditorum, sigillum meum, una cum sigillis eorumdem venditorum, presenti carte dignum duxi apponendum. Actum .


1 Voir nº DCCCXVI, p. 775.
2 Le parchemin n'offre qu'une seule fente pour le passage des attaches, bien que le texte de l'acte annonce plusieurs sceaux.