École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Jul. 1236

" C. officialis Parisiensis, de duabus cameris quas vendidit Juliana versus palacium de Termis. "

  • A Original en parchemin. — Inv., p. 51, l. A, nº 3.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, officialis curie Parisiensis, in Domino salutem : Notum facimus quod Juliana, defuncti Huberti Cenomanensis relicta, recognovit se vendidisse, de consensu Thome de Muella et Guillelmi de Sancto Benedicto, executorum dicti defuncti, ut dicitur, duas cameras sitas, Parisius, versus palatium de Termis, juxta domum monachorum Vallium Sarnaii, in censiva civium Parisiensium1, predictis monachis Vallis Sarnaii, pro triginta libris parisiensibus sibi solutis, ut confessa est coram nobis ; quas cameras ipsa Juliana et dictus defunctus acquisierant constante matrimonio inter eos, ut dicebat ; et quarum camerarum idem defunctus legaverat partem suam pauperibus, ut dicitur, erogandam. Et promisit, etc......................

Ad hec dictus Thomas et Garinus, gener Johannis Bocherii de Paraviso, dictam venditionem voluerunt, laudaverunt et concesserunt, et, fide media, promiserunt quod contra ipsam venditionem venire nullatenus attemptabunt. In cujus rei testimonium, presentes litteras sigillo curie Parisiensis fecimus sigillari. Actum .


1 In censiva mercatorum Parisiensium, nº CCCXLIX, p. 320.