École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » 1234

" Thome de Brueriis, de dono domini Petri de Doleinvilla super decimis. "

  • A Original en parchemin. — Inv., p. 131, 1. 2, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Ego Thomas, dominus Brueriarum, Notum facio universis quod, positi in presentia mea, Petrus de Doleinvilla, miles, et Luciana, uxor ejus, pro salute animarum suarum et antecessorum suorum, dederunt, in perpetuam et puram elemosinam, abbati et conventui Vallium Sarnaii totam decimam vinearum que inferius sunt notate, videlicet de clauso de Soflet, de vinea de Pressorio, de clauso de Doleinville, de vinea de Bernon, de vinea de Tramier, de vinea de Lavalcele, tenendam jure perpetuo, pacifice et quiete. Hanc elemosinam, quia movebat et adhuc movet de feodo meo, laudavi, volui et concessi, et quoniam dictus Petrus non habebat sigillum, ad peticionem ipsius et prefate Luciane, uxoris ejus, dictam donationem ipsorum et concessionem meam sigilli mei1 munimine roboravi. Actum .


1 Voir note 1, p. 250.