École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » 1202

De pace inter nos et presbiterum de Valle Sancti Germani1

  • A Original en parchemin. — Inv., p. 133, l. 1, nº 6.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Nos Reginaldus, decanus sancti Marcelli Parisiensis, et Bartholomeus, clericus de Brueriis, notum fieri volumus omnibus hominibus, cum esset quedam causa, que vertebatur inter abbatem et monachos de Vallibus Sarnaii ex una parte, et Gualterum, sacerdotem de Valle Sancti Germani, Carnotensis diocesis, ex altera, auctoritate apostolica commissa judicibus delegatis, [scilicet]2 magistro Girardo de Duaco, nunc [Catalaunensi3] electo, et Mauricio archidiacono, et Petro, cancellario Parisiensi, super quibusdam certis articulis, tercia parte tractus decime et straminis et tota......... et tota decima pisorum et fabarum de quarteriis, et tota decima novalium, tam suorum quam aliorum hominum dicte parrochie Sancti Germani ; et super fidelitate, quam sibi dicebat debere fieri a triturantibus messem in area et custodibus grangie, in qua reponitur decima dicte ville, et de blado deferendo ex consuetudine ad domum presbiteri per manus triturantium ; cumque delegati judices supradicti cognovissent, auctoritate apostolici rescripti, de causa omnium supradictorum et jam producti essent testes et publicate attestationes, cum non restaret, nisi ultimus diffinitivus calculus, [placuit] prenominatispartibus, de communi consensu, litteris domini Pape abrenunciare et in nos duos et magistrum Simonem, decanum Sancti Clodoaldi, super omnibus querelis prefatis compromittere, fide data hinc et inde, et statuta pena XXX librarum, si pena committeretur, datis fidejussoribus ex utraque parte pro dicta pena reddenda [ei parti que victrix] existeret, in causa ab [ea] parte con[tra quam] arbitri pronunciarent. Nos igitur diem prefiximus partibus prefatis ad prestandum arbitrium, inspectis diligenter attestationibus et plenius cognitis de consilio jurisperitorum, cum tercius arbiter, videlicet magister Simon, decanus Sancti Clodoaldi, non [veniret], de communi consensu parcium, de absentia prefati decani nichil conquerentium [nec causantium], nichil omittentes de sollempnitate arbitrii, pronunciamus pro abbate et monachis supradictis contra nominatum presbiterum, in his specificandis : [de tractu] et stramine decime prefate nichil debet habere [sacerdos prenominatus] ; decima pisorum et fabarum de quarteriis et omnium novalium, tam suorum quam aliorum [hominum] ad communem grangiam deferetur, et ibi tertiam partem grani tantum percipiet ; vini similiter tertiam partem tantum. De fidelitate, diximus quod facienda est a triturantibus et custodibus grangie tam ipsi quam monachis ; set [conversus] monachorum, sine prestatione corporalis sacramenti adjuratus per religionem suam et per reverentiam quam debet suo abbati, fidelitatem faciet sacerdoti. De blado vero deferendo ad domum sacerdotis, diximus quod non deferre debent triturantes ex consuetudine ; tota vero minuta decima ad presbiterum pertinet. Testes hujus rei qui interfuerunt presentes, ex parte abbatis et monachorum sunt hii : Johannes prior ; Rogerius de Ibreio ; Gaufridus de Norreio, Hugo de Blarru ; ex parte sacerdotis : Gaufridus, quondam sacerdos dicte ville ; Bartholomeus, presbiter de Ruppe Forti ; Martinus de V..... viler. Actum publice, .


1 V. des lettres de l'évêque d'Évreux relatives au même différend (nºCLIII).
2 L'écriture de l'acte est illisible dans beaucoup de passages. Nous avons été obligés d'en laisser en blanc quelques-uns. Le sens des phrases et les lettres de l'évêque d'Évreux de l'an 1208 nous ont permis de rétablir les autres par les mots placés entre crochets.
3 Ce mot est effacé, mais il ne peut y avoir de doute sur sa lecture, car Gérard de Douai fut élu évêque de Châlons en 1202. (Voyez le Gallia Christiana, tome IX, col. 884.)