École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1271-1280 » 22 mai. 1273

" Ysabellis, relicta Guillelmi Britonis, " de medietate omnium conquestuum suorum et quibusdam aliis.

  • A Original en parchemin. — Inv., p. 134, l. 1, nº 14.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie Carnotensis, salutem in Domino : Noverint universi quod Ysabellis, relicta defuncti Guillelmi Britonis de Gambesio, modo uxor Jacobi de Breia, dedit, contulit et concessit, in puram et perpetuam elemosinam, donacione facta inter vivos, sine spe revocandi, per fidem suam in manu nostra prestitam corporalem, religiosis viris abbati et conventui Vallium Sarnaii, medietatem omnium conquestuum quos dicta Ysabellis et Jacobus, maritus suus predictus, acquisierunt et emerunt, constante matrimonio inter ipsos, ab Agatha de Pratello, et quamdam granchiam contiguam domui sue in qua dicti Jacobus et Ysabellis morantur et faciunt mansionem apud Gambes, et quoddam arpentum terre movens de dicta granchia1 ; que acquisierunt, ut dicitur, predicti relicta et defunctus Guillelmus, durante matrimonio inter ipsos. Dedit etiam predictis religiosis, contulit et concessit, in puram et perpetuam elemosinam, ut dictum est, sub modo et forma predictis, omnia mobilia sua, presencia et futura, exceptis triginta libris turonensibus percipiendis et habendis in ultima voluntate sua ad exequcionem suam faciendam, pro remedio anime sue et anime defuncti Guillelmi, quondam mariti sui supradicti ; promittens, etc.......

In cujus rei testimonium, dictis religiosis, ad peticionem dicte Ysabellis, presentes litteras sigilli nostri munimine dedimus roboratas. post Ascensionem Domini.


1 Déjà en juin 1269, Isabelle, encore veuve, avait confirmé la donation faite par elle et Guillaume le Breton de tous leurs biens à l'abbaye des Vaux de Cernay. Voir nº DCCI, p. 654. Il faut sans doute entendre par les biens compris dans cette seconde donation ceux acquis par Isabelle depuis son second mariage avec Jacques de Brée : cependant la charte offre quelque ambiguïté. L. M.