École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1271-1280 » 22 mai. 1275

" Littera Roberti de Teroude et Johanne, ejus uxoris, super venditione eujusdam masure, anno M CC LXXVo. "

  • A Original en parchemin scellé1. — Inv., p. 80, l. 9, nº 13.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Noverint universi presentes et futuri quod ego Robertus, dictus Teroude, et ego Johanna, dicta Teroude, uxor dicti Roberti, de communi assensu nostro et voluntate heredum nostrorum, vendidimus et concessimus religiosis viris abbati et conventui Vallium Sarnaii quandam peciam masure1, sicuti se proportat in longum et in latum, que sita est in vico de Gloriete, inter masuram dictorum religiosorum quam Aelina, uxor Radulphi Teroude, dictis religiosis contulit in elemosinam, ex parte una, et domum magistri Johannis de Meulent, ex altera, tenendam et jure hereditario im perpetuum possidendam et habendam predictam peciam masure predictis religiosis et eorum successoribus, libere, quiete et pacifice, absque aliqua nostri vel heredum nostrorum reclarnatione de cetero facienda, pro decem libris parisiensibus, etc...........

Imo tradidimus eisdem in contraplegium domum nostram, sitam apud portam de Medunta, inter domum Radulphi Teroude, ex una parte, et vicum de Gloriete, ex altera, ad omnia dampna et deperdita sua, valore ad valorem, restauranda. Et ut hoc firmum et stabile permaneat et duret im posterum, presentem cartam sigillorum nostrorum munimine confirmavimus. Actum ante Ascensionem Domini. Testibus hiis : Radulpho Teroude, predicto ; Petro Dehors ; Roberto l'Espicier ; Roberto, scriptore ; Roberto Dosulle, et pluribus aliis.


1 Voir la cession faite de cette maison à Robert Tourode par Gautier Noël, son oncle, en novembre 1271, nº DCCXXIX, p. 686.
1 Petit sceau en cire brune, sur double queue de parchemin. Dans le champ, un vase, accosté à dextre d'une fleur de lis et à sénestre d'un objet devenu méconnaissable. Légende : † S. Robert Ter......