École des chartes » ELEC » Cartulaires d'Île-de-France » Vaux-de-Cernay » Tome second » Première moitié XIVe siècle » 24 jul. 1304

" De masura et de platea juxta domum nostram Brueriis. "

  • A Original en parchemin. — Inv., p. 130, l. 1, nº 8 bis).
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Thomas de Brueriis, miles, dominus Brueriarum, salutem in Domino : Noverit universitas vestra quod ego volo et concedo quod dilecti mei in Christo viri religiosi abbas et conventus Vallium Sarnaii teneant, habeant et possideant, in perpetuum, in manu mortua, libere, pacifice et quiete, absque coactione mei vel heredum meorum vendendi, alienandi vel extra manum suam ponendi, quoquomodo, unam masuram cum quadam platea et pertinenciis suis, sitam in villa de Brueriis, contiguam immediate ex uno latere porte et curie dictorum religiosorum, et ex alio latere domui Petri de Porta ; que quidem masura fuit quondam Girardi de Feritate ; quam masuram dicti religiosi acquisierunt per commutationem seu excambium factum a dictis religiosis cum Johanne Litout et Avelina, uxore sua, filia dicti Girardi de Feritate, ad aliam hereditatem in campis, oneratam duodecim denariis censualibus michi et heredibus meis annuatim, , persolvendis. Item volo et concedo quod prefati religiosi teneant, habeant et possideant, in manu mortua, pacifice et quiete, unam plateam, contiguam ex uno latere predicte masure et predicte domui Petri de Porta ; et ex alio latere, cuidam platee que fuit quondam Johannis, dicti Gonais, que vulgaliter nuncupatur Curia Monachorum-Alborum ; quam plateam dicti religiosi acquisierunt ab Egidio de Sancto-Evrodo et uxore sua, titulo emptionis, oneratam sex denariis censualibus, michi et heredibus meis annuatim, , persolvendis. Volens et concedons, etc.......................

Et ut sit ratum et stabile in perpetuum, presentes litteras sigilli mei munimine roboravi. .