" Carta Nicholai de la Baate de terra quam vendidit Guillelmus Gunter de Ablueis. "
- A Original en parchemin. — Inv., p. 86, l. 1, nº 15.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego Nicholaus de la Baate, armiger, notum facio universis quod Guillelmus Gunter de Abluies et Petronilla, ejus uxor, vendiderunt monachis Vallium Sarnaii unam peciam terre sitam juxta culturam ante portam granchie dictorum monachorum de Proveluz1, liberam et quitam ab omni redditu et servicio, pro viginti et una libris carnotensibus ; quam terram dicti Guillelmus et ejus uxor tenebant feodaliter a Petro Gunter, fratre dicti Guillelmi, et predictus Petrus dictum feodum de me tenebat. Nos, ego videlicet et dictus Petrus, tanquam domini feodales, venditionem factam laudamus et concedimus, volentes ut dicti monachi dictam terram teneant pacifice et in perpetuum possideant, in manu mortua, sine coactione vendendi vel extra manum suam ponendi. Quod si quis contra hoc venire presumpserit, nos et heredes nostri dictam terram dictis monachis bona fide tenemur garantire. Et quia dictus Petrus Gunter sigillum non habet, ego, ad petitionem dictorum Petri, Guillelmi et Petronille, in robur et testimonium, presentes litteras sigillo meo roboravi. Actum .
