École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » Mai. 1263

" De Johanne Sarquese, armigero, de VI sextariis tam bladi quam avene que nobis vendidit. "

  • A Original en parchemin. — Inv., p. 89, 1. 1, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, Johannes de Sarquosa, armiger, salutem in Domino : Notum vobis facio quod ego vendidi et nomine vendicionis concessi religiosis viris abbati et conventui Vallium Sarnaii, pro quindecim libris turonensibus, tria sextaria bladi et tria sextaria avene, que habebam et possidebam ex hereditate propria et percipiebam annuatim in granchia dictorum religiosorum de Orphino, super decimam quam ipsi habent et possident in parrochia de Orphino, de quibus denariis me teneo totaliter pro pagato ; volens et concedens quod ipsi teneant et perpetuo possideant predicta sex sextaria in manu mortua, sine coactione vendendi vel extra manum suam ponendi. Quod si quis sepedictos religiosos molestare attemptaret super hoc, ego et heredes mei teneremur ipsis garantizare predicta sex sextaria et defendere contra omnes ; et quantum ad hec tenenda firmiter et fideliter observanda me et omnia bona mea mobilia et immobilia ipsis religiosis obligo et heredes et successores relinquo im perpetuum obligatos. Quod ut firmum et stabile perseveret, fidem dedi in manu abbatis Vallium corporalem. In cujus rei testimonium, presentes litteras sigillo proprio roboravi. Actum .