École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Seconde moitié XIIe siècle » sans date

Carta Joscelini de Alneolo, ex dono de Proveirlu Ade de Capella.

  • A Original en parchemin. — Inv., p. 84, l. 1, nº 1.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Quante sit utilitatis priscorum gesta memorie futurorum litteris intimare, omni racione pollenti, dinoscitur elucere : Ea propter ego Joscelinus, dominus de Alneolo, scriptis presentibus, universis notificari volo, quod Adam de Capella et Florya, uxor ejus, ac Ermengard filia eorum, uxor scilicet Hugonis de Stampis, filiique eorum videlicet Adam, Amarricus et Hemericus, Deo ac monachis sancte Marie de Sarnaio, imperpetuam elemosinam, totam terram suam de Proveirlu, ad grangiam construendam, dederunt, continentem circiter CCta arpenta terre, contiguam ex una parte vie Carnotensi et ex alia parte terris de Bretonvilla et Sancti Remigii de Landis, et ex alia chemino tendenti de Bouenvilla nemori Percarum, et ex alia territorio de Abluys. Concessit hanc elemosinam Guiburg de La-Baata, soror predicti Ade, cum filiis ac filiabus suis, scilicet Roberto, Joscelino, Millesende, Isabel, Ascelina et Florya ; et quicquid predicta Guiburg in eadem terra de Proveirlu habebat, et decimam quam in eadem terra possidebat cum decima de Machini eisdem monachis dedit, concedente predicto Roberto, filio ejus, cum uxore sua Gila ac filia Isabel, cum fratre suo Joscelino. Et Sivinus Gorloiens etiam dedit prefate ecclesie totam terram suam, liberam ab omni censu, decima et campiparte, sitam juxta predictam terram de Proveirlu, continentem vel eo circa centum LXXta arpenta terre ; contiguam ex una parte vie Carnotensi, et ex alia parte bosco sive nemori Percarum, et ex alia chemino tendenti de Bouenvilla predicto nemori vel bosco Percarum et chemino tendenti a dicto nemore Percarum apud Bertaudi Curiam, et ex alia parte territorio sive terris de Dimenchevilla ; concedente uxore sua Eramburg ac filiis Philippo, Guidone, Michaele, et filiabus suis Cecilia, Eustachia et Hermengard. Et cum hoc prefatus Sivinus dedit eidem ecclesie totam terram de Machini1, uxore sua predicta annuente, ac predictis filiis et filiabus suis concedentibus. Concedo et ego Joscelinus has elemosinas, de cujus feodo erant, volens, tanquam feodalis et capitalis dominus, quod prefati monachi omnia supradicta teneant imperpetuum in manu mortua, cum omni jure, dominio et omnimoda justicia, nichil juris, justicie seu dominii michi nec heredibus meis retinens in premissis, ita quod ego nec heredes mei aliquid in predictis poterimus reclamare. Sed sicut habeo omnem justiciam in terra mea de Alneolo, similiter habeant prefati monachi in omnibus predictis et gaudeant libere et quiete, sine aliqua contradicione. Concessit hec omnia uxor mea Thescelina, et eciam filii mei Guido, Joscelinus, Gaufridus et Johannes concesserunt2. Ex karitate vero monachorum pro hiis elemosinis recepit predictus Adam cum uxore sua Floria centum LXXXta libras parisienses ; et predicta Guiburg cum filiis suis centum libras parisienses ; et Sivinus predictus centum Lta libras parisienses. Testes sunt : Poelinus de Livesvilla ; Radulphus de Veisins ; Hemericus de Tuvilla, Gibertus Froeline ; Johannes, sacerdos de Bouenvilla ; Nivardus de Nealpha ; Guarinus d'Escure ; Robertus Sen Nappe1 ; Amarricas de Crechis ; Giroardus des Chastelers ; Guarinus de Sancto Hylarione ; et Theobaldus de Boelon. Actum .


1 Dans une confirmation d'Alexandre III, de 1173 à 1180 (voyez ch. XLI), nous voyons mentionnée la même donation : le bienfaiteur est appelé Sevin Gorloanus et sa terre Marcinneium.
2 Dans une charte originale des archives de Rambouillet, donnée en 1195 par Guy d'Auneau, fils de ce même Joscelin, et publiée dans notre Recueil de chartes relative au prieuré des Moulineaux, page 4, nous lisons (c'est Guy qui parle) : « ... Concedentibus Ysabella, uxore mea, et Thescelina, matre mea, et fratribus meis Gaufrido, Johanne, Guillelmo, Theobaldo... » Guillaume et Thibaut ne sont pas mentionnés ici, et il n'est pas question de Joscelin fils dans la charte des Moulineaux. A. M.
1 Dans la liste des feudataires de la châtellenie de Montlhéry, sous Philippe-Auguste, on trouve : Robertus Sine Mappis. (Bibl. Imp., Mss. Coll. Dupuy. vol. 635.)
2 Ces secondes lettres de confirmation, copiées, comme l'on voit, en partie sur les premières, sont du nombre de celles que nous avons déjà signalées comme fabriquées au quinzième siècle (page 28). Il est assez bizarre que les moines n'aient pas détruit l'acte authentique qui pouvait servir à constater leur supercherie : ils ont aussi laissé subsister une charte de Jean de Salisbury, confirmative de la pièce originale (voyez nº XLVI). L. M.