École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » Jan. 1263, n. s.

" De escambio cujusdam decime facto inter nos et Guiardum dictum Briardum, militem, quam possidebamus apud Fontanetum. "

  • A Original en parchemin. — Inv., p. 139, l. 5, nº 11.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Guido, dictus Briart, miles, salutem in Domino : Noverint universi quod cum viri religiosi abbas et conventus Vallium Sarnaii haberent et diu est possiderent tredecim sextaria bladi, scilicet medietatem de frumento et medietatem de ordeo annui redditus, in granchia mea de Fontaneto1, reddenda, annis singulis, , racione admodiationis cujusdam decime, quam dicti religiosi habebant et diu est possidebant apud Fontanetum ; quam decimam dicti abbas et conventus, longo tempore jam elapso, tradiderunt ad perpetuam admodiationem Odoni de Malo Nido et Jamene, ejus uxori2, predecessoribus meis, quorum heres in solidum existo, pro dictis tredecim sextariis bladi annui redditus capiendis in granchia mea predicta. Nos vero colloquium habentes super hoc ad invicem, considerata utilitate mea, volo, laudo, concedo et approbo quod dicti religiosi habeant, teneant et perpetuo possideant, in manu mortua, in purum et perpetuum escambium, pro dictis tredecim sextariis bladi, quinque arpenta terre et unum quarterium, sita in loco qui vocatur les Perreaus, juncta, ex una parte, terre dictorum religiosorum, et ex altera parte, juncta terre capituli sancti Exuperii de Corbolio, et quinque quarteria terre similiter, juncta, ex una parte, terre defuncti dicti Eschape, et ex alia parte, juncta terre Margarite la Fornere ; promittens, etc............................. Sedila, vero uxor mea, predictum escambium laudavit, voluit et concessit, et quicquid juris in predictis arpentis terre habebat vel habere poterat, ratione dotis vel dotalicii seu alio quoquomodo, dictis religiosis quitavit penitus in futurum. In cujus rei memoriam et testimonium, presentes litteras, pro me et uxore mea, dedi dictis religiosis sigillo meo proprio sigillatas. Actum .


1 Voir l'accord fait par Gui Briart avec l'abbaye des Vaux de Cernay à propos de ces treize setiers de blé, en décembre 1241, nº CCCCX. p. 376.
2 Voir nº XCIX, p. 119.