École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Mai. 1226

De redditibus abbatiæ apud Mellentum, ex donis dominorum Malliaci.

  • B Copie. — Déclaration, fº 240 vº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Nos Buchardus et Mathæus de Malliaco, fratres, notum fieri volumus universis quod monachi Vallium Sarnaii habent tredecim libras parisienses, in redditu nostro de Mellento, singulis annis, percipiendos, videlicet centum solidos de dono bonæ memoriæ patris nostri domini Mathæi de Monte-Morenciacho, domini quondam Malliaci ; quod nos concessisse confitemur et presente etiam scripto confirmasse. Item ego Buchardus, dominus Malliaci, dedi eisdem monachis, de voluntate et assensu Mathildis uxoris meæ, Petri et Bucardi, filiorum meorum, ad petitionem et amorem Theobaldi, filii mei primogeniti, qui in abbatia Vallium Sarnaii Cisterciensis religionis habitum assumpserat, centum solidos parisienses percipiendos, in eodem redditu de Mellento, singulis annis3. Item ego Mathæus de Malliaco dedi prædictis monachis Vallium Sarnaii, in puram et perpetuam elemosinam, pro salute anime meæ, patris et matris, fratrum et progenitorum meorum, sexaginta solidos parisienses, super quintum meum, percipiendos, singulis annis, in eodem redditu de Mellento, concedente hoc et confirmante prædicto Bucardo, domino et fratre meo, de quo eundem redditum teneo. Ordinamus atque constituimus nos prædicti Bucardus et Mathæus, de voluntate et assensu prædictorum monachorum, quod prædictæ tredecim libræ parisienses percipiantur annis singulis terminis istis, videlicet sexaginta quinque solidi, sexaginta quinque solidi, , sexaginta quinque solidi, sexaginta quinque solidi. Ut autem hæc omnia rata et stabilia in perpetuum permaneant, præsentes litteras sigillorum nostrorum munimine confirmavimus. Actum .


3 Voir la charte précédente.