École des chartes » ELEC » Cartulaires d'Île-de-France » Vaux-de-Cernay » Tome second » Première moitié XIVe siècle » 29 jun. 1303

De compositione cum priore de Limos super quatuor modiis et dimidio in grangia de Crechiis.

  • A Original en parchemin. — Inv., p. 142, l. 1, nº111.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis et audituris, frater Gauffridus, permissione divina, humilis abbas monasterii de Burgolio, Andegavensis dyocesis, totusque ejusdem loci conventus, salutem in Domino sempiternam : Cum religiosi viri abbas et conventus Vallium Sarnaii, Cisterciensis ordinis, dudum priori prioratus nostri de Limos, quatuor modios et dimidium, medietatem ybernagii, et medietatem avene, in granchia sua des Creches, ad minam Montis-Letherici, , singulis annis solvere tenerentur, causis et rationibus infrascriptis, videlicet duos modios, ratione cujusdam terre site (ante) portam des Creches, que terra quondam fuit dicti prioris de Limos, et duos modios et dimidium, ratione admodiationis tocius decime que erat in decimatione que pertinebat ad terras des Creches, sicut in litteris utriusque monasterii, abbatis et conventus sigillo sigillatis plenius continetur, dictusque prior de Limos de novo instantissime peteret, ad minam que nunc est apud Montem-Lethericum, dictos quatuor modios et dimidium sibi solvi ; dictis abbate et conventu de Vallibus e contrario dicentibus quod non tenebantur ad aliam minam solvere quam ad veterem minam que apud Montem-Lethericum erat tempore confectionis dictarum litterarum, quam adhuc in dicta granchia reservabant ; ad quam minam semper a tanto tempore a quo non extat memoria, sine contradicione solverent, ut dicebant ; tandem propter pacis caritatisque custodiam que inter religiosos solet et debet specialiter refulgere, communicato bonorum et peritorum utriusque ecclesie consilio, utilitate utrobique pensata, et deliberatione prehabita diligenti, composuimus et concordavimus in hunc modum, quod dicti abbas et conventus Vallium supradicti, predicto priori de Limos et ejus successoribus, tam predictis quatuor modiis et dimidio, quam pro decima decem arpentorum terre vel circa, site in loco qui dicitur Vallis Frogeri, quam eis vendidit Johannes de Pomeret, armiger, cujus terre decima ad dictum priorem pertinebat, viginti duos sextarios melioris hibernagii post sementem et totidem avene ad mensuram et minam Parisienses, annis singulis, loco et termino predictis, in perpetuum solvere tenebuntur, ita quod dictus prior vel ejus successores in dicta decima dictorum decem arpentorum vel circa nichil de cetero poterunt reclamare. Quod ut ratum et inconcussum permaneat in futurum, sigilla nostra presentibus litteris duximus apponenda. .


1 Une copie du quatorzième siècle se trouve Inv., p. 139, l. 5.