École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 9 oct. 1283

" Roberti, dicti Karuel, et uxoris ejus, de tribus virgultis terre nobis venditis apud Tylliacum. "

  • A Original en parchemin scellé1. — Inv., p. 78, l. 7, nº 13.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis tam presentibus quam futuris presentes litteras inspecturis, ego Guillermus de Bellomonte, armiger, et ego Mabilia, uxor ejusdem Guillermi, salutem in Domino : Noverit universitas vestra quod Robertus, dictus Karuel, et Petronilla, ejus uxor, recognoverunt se, de communi assensu suo et voluntate omnium heredum suorum, vendidisse, concessisse et hac presenti carta confirmasse religiosis viris abbati et conventui Vallium Sarnaii tres virgatas terre arabilis quas in feodo nostro tenebant, sitas in parrochia de Tylliaco, juxta chiminum de Andeliaco et terram Symonis le Feucheor, ex una parte, et terram Guiardi Quaruel et Guillermi Daguet, ex altera, pro sexaginta et decem solidis parisiensibus ; tenendas et in perpetuum jure hereditario possidendas predictas tres virgatas terre arabilis prefatis religiosis et eorum successoribus, libere, quiete et pacifice, absque aliqua dictorum venditorum seu heredum suorum reclamatione seu contradictione de cetero facienda ; promiseruntque contra omnes gentes garantizare, deffendere et deliberare, bona fide, salvo tamen omni jure alieno, per unam gallinam reddendam annuatim a dictis religiosis et eorum successoribus, in Nativitate Domini, Guillelmo, dicto Brule, vel heredibus suis qui dictam gallinam nobis reddere tenebuntur vel heredibus nostris pro dictis religiosis. Si vero, occasione venditionis et concessionis istius vel pro defectu garancie dictorum venditorum, prefati religiosi aut eorum successores aliqua dampna seu deperdita incurrerint, dictus Robertus Quaruel et ejus uxor obligaverunt eis in contraplegium domum suam, sitam in villa de Heubecort, inter domum Gaufridi de Geucort, ex una parte, et domum Roberti Dare, ex altera, ad omnia dampna et deperdita sua, valore ad valorem, si necesse fuerit, plenarie restauranda. In cujus rei testimonium, sigilla nostra presenti carte duximus apponenda, una cum sigillis dictorum venditorum. Actum .


1 Trois sceaux en cire brune, sur double queue de parchemin. Nous avons déjà décrit les sceaux de Guillaume de Beaumont et de Mabile (voir note 1, p. 808). Le troisième sceau est en partie brisé et effacé.