École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » Sept. 1284

" Domina Maria de Espiciaco, de mortificatione nemoris de Folosio. "

  • A Original en parchemin. — Inv., p. 48, l. A, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, domina Maria de Espinciaco, salutem in Domino : Notum facimus universis tam presentibus quam futuris, quod nos volumus, concedimus, laudamus ac etiam approbamus quod religiosi viri abbas et conventus monasterii Vallium Sarnaii habeant, teneant et possideant in perpetuum viginti arpenta nemoris in uno tenenti, sita in feodo nostro et in tertio dominio, quod prefati religiosi emerunt a defuncto Symone de Rambolio, armigero1 ; qui dictus feodus et dominium nobis devenit a defutto (sic) consigineo nostro, magistro Gillermo de Vallegrignosa, quondam canonico Parisiensi. Quod nemus volumus ac etiam totaliter consentimus quod prefati religiosi teneant in manu mortua, tamquam tertius dominus feodi, in perpetuum, pacifice et quiete, sine coactione vendendi, alienandi, distrahendi vel extra manum suam ponendi, nichil in dicto nemore penitus retinentes. Dicti vero viginti arpenta nemoris, tamquam tercius dominus feodi, garandizabimus dictis religiosis et eorum successoribus contra omnes, ac etiam in judicio vel extra judicium nostris propriis sumptibus plenius deffendemus. Et quantum ad hec tenenda et firmiter observanda nos et heredes nostros obligamus et in perpetuum relinquimus obligatos. In cujus rei testimonium, presentibus litteris sigillum nostrum duximus apponendum. .


1 La donation de Simon de Rambueil est de janvier 1244. (Voir nº CCCCXXIV, p. 388.) Parmi les seigneurs dominants de ces vingt arpents de bois, nous avons déjà rencontré Guillaume de Rambueil et Pierre de Richebourg ou de la Forêt.