École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » 20 jan. 1261, n. s.

" Carta officialis Parisiensis, de censiva sua apud Stagnum quam nobis dederunt Robertus de Valleia et Roscia uxore ejus. "

  • A Original en parchemin. — Inv., p. 32, l. 1, nº 9.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie Parisiensis, salutem in Domino : Notum facimus quod Robertus de Valleia et Roescia, ejus uxor, asseruerunt coram nobis se habere et possidere, ex conquestu suo, tria quarteria vinearum sitarum in larricio de Marolio, unam masuram cum pertinenciis ejusdem sitam apud Stagnum, et octo arpenta terre site in diversis locis et territoriis, et dimidium arpentum prati situm inter Breteschiam et nemus Sancti Nunni, ut dicebant. Que siquidem vineam, masuram, terras et pratum recognoverunt se dedisse et in perpetuum concessisse, in puram et perpetuam elemosinam, sani mente et corpore, donatione facta inter vivos, et etiam omnes conquestus suos et bona mobilia sua, ubicumque et in quibuscumque rebus existencia, presencia et futura, ob remedium anime sue, religiosis viris, abbati et conventui Vallium Sarnaii, retento tamen sibi in predictis rebus usufructu, quoad vixerint ; retento etiam hoc quod habeant de predictis rebus, quilibet eorum, sex libras parisienses ad suam ultimam voluntatem faciendam, prout voluerint in ultima voluntate sua pauperibus erogandas. Promittentes, etc........................... .