École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Nov. 1247

De concessione facta Giloni, presbitero de Briis, ut quoddam feodum apud Joyacum in manu mortua poneret.

  • A Original en parchemin. — Inv., p. 18, c. K, nº 1.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie Carnotensis, salutem in Domino : Noverit universitas vestra quod Johannes de Scroniis, miles, cujusdam feodi siti apud Joiacum, juxta Sanctum Priscum, secondus dominus, voluit et concessit quod Gilo, presbiter de Briis, Parisiensis dyocesis, dicti feodi primus dominus, poneret in manu mortuadictum feodum1, in elemosinam vel per emptionem, quando voluerit et cui voluerit, illud scilicet feodum quod dictus Gilo tenet in manu sua et illud quod tenent alii in dicto feodo a dicto Gilone, pro duodecim libris carnotensibus, de quibus tenuit se pro pagato ; ita tamen quod si lis vel contentio per tercium dominum dicti feodi suboriretur, quod dictus Johannes tercium dominum tacere faceret et velle et approbare quod factum est a dicto Johanne de predicto feodo ; quod si non faceret predictus Johannes, dicto Giloni dictos denarios redderet, et decem libras carnotenses pro dampnis et deperditis, et remaneret dictus Gilo in sua possessione feodi, sicut prius. Dictus vero Johannes de supradictis omnibus firmiter tenendis dedit fidem et quod nichil in dicto feodo de cetero reclamaret. Omnia autem supradicta voluit et concessit domina Aalicia, uxor dicti Johannis, etc............ Prefati etiam Johannis fratres Ansellus, Jocelinus et Raginaldus, milites, volunt et concedunt quicquid factum est et ordinatum de dicto feodo a prenominato Johanne, fratre suo, etc............ Voluerunt etiam et concesserunt jamdicti Johannes et Aalicia, uxor sua, Ansellus, Jocelinus et Raginaldus, fratres dicti Johannis, quod nos vel ille qui succedet nobis in honere et honore possit excommunicare illum vel illos, quocumque loco se transferent, qui contra dicti feodi supradictam ordinationem venirent ullomodo ; et quantum ad omnia premissa firmiter observanda, omnes prefate persone supposuerunt se juridicioni nostre, sine auctoritate alterius curie sive fori. In cujus rei testimonium, memoriam et munimen, presentibus litteris, ad peticionem dictarum personarum, sigillum curie Carnotensis duximus apponendum. Actum .


1 Voir nos CCCIV et CCCV, p. 283.