École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » 1258

" Carta de commutacione terrarum facta inter nos et priorem de Tyronnel. "

  • A Original en parchemin. — Inv., p. 86, l. 1, nº 20.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, abbas Tyronensis totusque ejusdem loci conventus, salutem in Domino : Notum facimus quod nos, de communi omnium nostrorum assensu, pensata utilitate monasterii nostri, in modum permutationis seu excambii, dedimus et concessimus viris religiosis abbati et conventui Vallium Sarnaii unam peciam terre arabilis, continentem circiter quatuor sextarios seminis, ad mensuram de Abluiis, que pertinebat ad prioratum nostrum de Sancto Hyspano de Abluiis, sitam in sentorio quod ducit de granchia de Provellu apud Bretonvillam, inter terras dictorum abbatis et conventus Vallium Sarnaii, tenendam ab eisdem abbate et conventu Vallium Sarnaii, perpetuo habendam et possidendam, pro quadam alia pecia terre dictorum abbatis et conventus Vallium Sarnaii, circiter quatuor sextarios seminis continente, ad mensuram prefatam, sita in loco seu territorio quod dicitur Fossa-Germondi, a nobis, nomine nostro et monasterii nostri de Tyronio, tenenda et perpetuo possidenda ; promittentes bona fide quod contra permutationem predictam non veniemus in futurum. In cujus rei testimonium, predictis religiosis dedimus presentes litteras sigillorum nostrorum impressionibus signatas. Actum .