École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Apr. 1233

De impignoratione decimæ Philippi de Wilmis, in dicta parrochia.

  • A Original en parchemin scellé. — Suppl., cart. 2, l. 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

G[alterius], permissione divina, Carnotensis ecclesie minister humilis, omnibus presentes litteras inspecturis, salutem in Domino : Noveritis quod Philippus de Wilmis, miles, in nostra presencia constitutus et fide prestita, pignori obligavit, pro octoginta libris carnotensibus, ecclesie Vallium Sarnaii, totalem decimam suam bladi et vini parrochie de Wilmis, a predicta ecclesia, singulis annis, quamdiu pignus duraverit, percipiendam pacifice et habendam ; sub eadem fide promittens quod pignus istud, quamdiu duraverit, predicte garantizabit ecclesie bona fide. Domina vero Ysabellis, ejus uxor, coram nobis pignus istud laudans pariter et concedens, quicquid juris habebat in predicta decima, jure dotalicii vel alia ratione, dicte ecclesie, quamdiu pignus duraverit, concessit libere et quitavit, fide prestita corporaliter. Guillelmus vero Malteint, armiger, de cujus feodo predicta movet decima, ut dicitur, impignorationem istam coram nobis, fide prestita, laudavit pariter et concessit, ipsamque impignorationem se garantizaturum promittens, ad hoc fide prestita, se astrinxit ; que eandem ab uxore sua concedi faciet pariter et laudari. Nos vero impignorationem approbantes eandem, in hujus rei testimonium, presentes litteras sigilli nostri fecimus impressione muniri. Actum .