École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Mai. 1248. — Vid. jan. 1279, n. s

" Testamentum Gilonis, dicti Crispin, de Voisia. "

  • A Original en parchemin. — Inv., p. 125, l. 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis Carnotensis, sede vacante, salutem in Domino : Noveritis nos quandam cedulam, sub sigillo cujusdam rectoris quondam de Voysia, Carnotensis dyocesis, sigillatam, ut dicebatur, vidisse in forma inferius subscripta ; in qua dicitur defunctum Gilonem, dictum Crespin, de Voysia, maritum quondam Marie de Voisia, adhuc viventis, fecisse et ordinasse, dum viveret, testamentum seu ultimam voluntatem ; cujus cedule tenor talis est :

In nomine Patris et Filii et Spiritus Sancti, amen. Actum . Hoc est testamentum Gilonis, dicti Crespin, de Voisia : Capit in testamento suo, assensu et voluntate dicte Marie, decem libras pro parte sua omnium mobilium suorum, quocumque loco possunt inveniri, que sunt communia sibi et uxori sue dicte Marie. Quod testamentum dictus Egidius sic ordinavit : In primo legat beato Vincentio, decem solidos ; presbitero, decem solidos ; operi beate Marie, quinque solidos ; Elemosine beate Marie, quinque solidos ; Fratribus Minoribus, quinque solidos ; leprosarie de Abluiis, quinque solidos ; Egidie, filie sue, quadraginta solidos ; et legat filliolis suis duo-decim solidos, cuilibet duodecim denarios ; et legat Aalicie, filie sue, quinque solidos ; et legat Christiane, duos solidos ; et domine Lucie, duos solidos. Insuper capit unum annuale et legat fratribus beati Jacobi, quinque solidos ; et legat presbiteris et clericis qui steterint suo officio faciendo, viginti solidos. Insuper legat omnia acquiramenta sua uxori sue dicte Marie, quamdiu vixerit ; post vero decessum dicte Marie, legat tres sextarios terre in acquiramentis suis presbiteratui beati Vincentii, pro anniversario suo et Gile quondam uxoris sue ; iterum legat tres sextarios terre Egidie filie sue ; et legat duos sextarios terre lampadi que est coram Crucifixo ; et legat tres sextarios terre Elemosine beate Marie Carnotensis ; et legat tres sextarios terre monachis Vallium de Sarnee ; et legat tres sextarios terre Elemosine de Castriduno ; et legat Elemosine de Voisia tres sextarios terre. Preterea dictus Egidius vult quod domus in qua moratur, que est in censiva domini Johannis de Voisia, sit neptibus suis, post decessum uxoris sue dicte Marie. Item vult et concedit quod altera domus, que est in censiva domini Gaufridi de Voisia, sit uxori sue dicte Marie et heredibus suis quite et pacifice possidenda, et legat unam culcitram cum pulvinari. Et super hoc posuit executores suos, scilicet uxorem suam dictam Mariam, et Radulphum, clericum, suum sororium, et Alanum , fabrum.

Et hiis in dicta cedula contentis visis et intellectis, ut majorem fidem adhibere super hiis que in eadem cedula continentur possemus, dictam Mariam, uxorem quondam dicti Gilonis, jurare fecimus coram nobis de veritate dicenda super contentis in cedula antedicta. Que juravit coram nobis, et per prestitum juramentum ab eadem reperimus eundem Gilonem suum testamentum, ut in eadem cedula continetur, condidisse, et ipsam ad hec presentem fuisse, et sigillatam fuisse sigillo rectoris, qui tunc erat, dicentem se fuisse in sigillacione dicte cedule presentem facienda. Quod de premissis contentis in cedula et de confessione facta coram nobis a dicta Maria super premissis vidimus et audivimus, hoc testamur. .