École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » Jun. 1286

Carta Johannis de Malorepastu, de confirmatione donationum Gaufridi, dicto Gardien.

  • B Copie. — Déclaration de 1511, fº 104 rº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis præsentes literas inspecturis, dominus Johannes de Malorepastu, miles, salutem in Domino : Noveritis quod cum Gaufridus, dictus Gardien, de Villanova, dedisset et concessisset, pure et simpliciter, in elemosinam, ecclesiæ beatæ Mariæ Vallium Sarnaii et ejusdem loci conventui, se et sua, mobilia et immobilia, acquisita et acquirenda, et haberet, teneret et possideret, tanquam proprium hæreditagium, terras, pascua sive pasturas, domum vel domos inferius annotatas, videlicet medietatem cujusdam roncheriæ sive pasturæ prope Chamborn, contingenti, ex una parte, terræ Philippi, dicti Clement, et ex altera, terræ familiæ Roberti, sutoris de Argal, moventis de feodo et dominio meo immediate, ad sex denarios censuales michi vel hæredibus meis reddendos, annuatim ; item quandam peciam terræ, que dicitur Fossa-d'Aytæ, sicut se proportat in longitudine et latitudine, contigua, ex una parte, terræ sive terris dictorum religiosorum, et ex altera, terræ de Jotro ; item terra quæ vocatur terra de Piro, contingenti, ex una parte, terræ Roberti, dicti Foubert, et ex altera, cheminio sive viæ de Monte-Acuto ; item pasturas de Troncheio, contiguas, ex una parte, terræ domini Johannis de Artia, militis, et ex altera, Gualterii de Fresches ; item terra de Becherel, contigua virgulto Laurentii de Becherel, et ex altera parte, terræ Girardi Champelus ; item unum herbergamentum in Villanova, cum pertinenciis sive contingentibus, ex una parte, domo familiæ defuncti Richardi Philippi, et ex altera, herbergamento sive domo Philippi Clement: quæ omnia supradicta movent de feodo sive meis retrofeodis. Volo autem et concedo quod dicti religiosi, pro salute animæ meæ et antecessorum meorum, teneant et possideant omnia superius, de meo feodo sive retrofeodo moventia, ex nunc, pacifice et quiete, in manu mortua, absque coactione vendendi, alienandi vel extra manum suam ponendi : pro qua mortificatione et quictatione dicti religiosi michi dederunt, de sua mera gratia, duos sextarios bladi, quos recognosco de sua pura gratia recepisse. Insuper ad memoriam reducens devotionem et amicitiam quas erga me habent et habuerunt religiosi prædicti, ampliorem gratiam et misericordiam volui religiosis prædictis concedere sive dare ; nam quæcumque acquisierunt in feodo meo vel retrofeodo, titulo donationis vel emptionis, a quibuscumque personis et ubicumque existant, volo, concedo quod ea teneant et possideant, pacifice et quiete, in manu mortua, absque coactione vendendi, alienandi aut extra manum suam ponendi ; nichil juris, jurisdictionis vel dominationis in rebus ab eis acquisitis penitus retinendo. Promittens, etc......

In cujus rei testimonium et munimen, prædictis religiosis prædictas literas tradidi sigillatas. .