École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » Nov. 1285

" Littera Michaelis de Sancta Cruce, de mortificatione cujusdam pecie vinee et de relaxacione XII denariorum annui census et pressoragio. "

  • A Original en parchemin. — Inv., suppl., cart. 2, l. 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Michael de Sancta-Cruce, salutem in Domino : Notum facimus universis tam presentibus quam futuris quod cum religiosi viri abbas et conventus Vallium Sarnaii haberent, tenerent et possiderent a longo tempore quandam peciam vinee, continentem septem quarteria vel circa, sitam ad Sanctum-Michaelem, in censiva nostra et in dominio nostro, contiguam vinee Mathei, dicti Hugier, ex una parte, et ex altera, vinee Johannis le Brieron, oneratam de duodecim denariis annui census et pressoragio, nos vero volumus, pro utilitate nostra et ob remedium animarum antecessorum nostrorum, quod idem dicti religiosi teneant et possideant in futurum, panifice et quiete, dictam peciam vinee, ad unum obolum solummodo annui census, sine pressoragio, redevancia et alia coustuma, liberam et quitam, quantum ad nos pertinet, nec non et sine altero onere censuali. Et quantum ad hec tenenda et inviolabiliter observanda obligamus nos, et heredes nostros universos et singulares relinquimus obligatos. In cujus rei testimonium et munimen, presentibus litteris sigillum nostrum duximus apponendum. .