École des chartes » ELEC » Cartulaires d'Île-de-France » Vaux-de-Cernay » Tome second » Seconde moitié XIVe siècle » 3 nov. 1366

Carta Johannæ reginæ, de uno modio grani annui redditus apud Sanctum-Cyricum.

  • A Original en parchemin. — Inv., p. 135, l. 1. suppl.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Jehanne, par la grace de Dieu, reyne de France et de Navarre, à nostre receveur de Crécy ou au commis et député de par lui pour nous au gouvernement de nostre terre de Saint-Cire-en-Beausse, salut : Oye la supplicacion des religieux abbé et couvent de l'église du Val de Cernay, disans que à cause et pour raison de la fondacion de leurdicte église, il ont acoustumé et doivent prenre chascun an de rente un muy de grain, moitié blé et moitié aveine, sur nostre porcion des grains veneus en nostre granche dudit lieu de Saint-Cire, dont il dient à eulz estre deuz les arrérages depuis huit ans derrien passez, supplians que d'iceulz les voulsissions faire paier, et aincy dorez en avant [les arrérages] quant il escherront, mesmement que il sont moult povres et ont esté moult gastez et destruiz par les guerres, nous volons et vous mandons, et à chascun de vous, si comme à lui appartiendra, que de tous les arrérages qui, à cause dudit muy de grain que il prennent en nostre dicte porcion, vous apparont souffisant à eulz estre deu, vous les paiez et sateffiez par [juste] et convenable distribucion, etc....................

Donné à Braye-Conte-Robert, le tiers jour de novembre, l'an de grace mil troys cens sexante six.

Par madame la Royne, présent maistre Hugue Boilleaue.

1 « Godefroy.


1 Signé :