École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » Mart. 1266, n. s.

" De excambio facto cum abbatissa de Sancto Cyrico, de una vinea ad aliam vineam. "

  • A Original en parchemin. — Inv., p. 6, l. B, nº 9.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, soror Emelina, abbatissa de Sancto Cyrico, et ejusdem loci conventus, salutem in Domino : Notum facimus quod nos, diligenti deliberatione habita, pro utilitate domus nostre, dedimus, tradidimus et concessimus, in purum et perpetuum excambium, abbati et conventui Vallium Sarnaii quamdam peciam vinee, continentem unum arpentum vel circa, quam habebamus et possidebamus ad Fontem-Tyboudi, quitam et liberam ab omni censu, corveya et tallia, et omnibus aliis redibenciis et coustumis, pro quinque quarteriis vinee que predicti abbas et conventus tenebant et possidebant in territorio de Brichart, in censiva domini regis, ad sex solidos et octo denarios parisienses annui redditus, , in domini regis domo, apud Chalenaine, annis singulis, persolvendos ; promittentes quod contra predictum eschambium et concessionem hujusmodi, per nos vel per alium, de assensu nostro nullatenus amodo veniemus. In cujus rei perpetuam firmitatem, presentes litteras predictis abbati et conventui sigillorum nostrorum dedimus roboratas. .