École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1271-1280 » 27 mart. 1273, n. s.

Confirmatio decem solidorum parisiensium annui redditus super censibus Hugonis de Faveriis.

  • A Original en parchemin. — Inv., p. 74, l. 3, nº 10.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie Parisiensis, salutem in Domino : Notum facimus quod domina Haoysis, filia Guidonis de Faveriis, quondam militis, relicta defuncti Petri de Bellovidere, quondam militis, recognovit et confessa est dictum Guidonem, quondam patrem suum, in testamento suo seu ultima voluntate sua, dedisse et legasse religiosis viris abbati et conventui Vallium Sarneii et eorum monasterio decem solidos parisienses annui redditus, habendos et percipiendos perpetuo, , annuatim, super censibus ipsius defuncti Hugonis de Faveriis, pacifice et quiete, a religiosis predictis. Recognovit etiam et confessa est ipsa domina predicta religiosos, a tempore dicte donationis usque nunc, ex causa donationis et legati predicti, habuisse et percepisse dictos decem solidos super dictis censibus termino antedicto, ut superius est expressum, et se etiam eosdem decem solidos eisdem religiosis vel eorum mandato, ratione predicta, pluries reddidisse ; volens et concedens quod ipsi religiosi vel eorum mandatum, ex causa et titulo donationis seu legati predicti, ex nunc im posterum dictos decem solidos annui redditus habeant et percipiant, annis singulis, super dictis censibus, per manum suam vel heredum suorum vel illorum qui causam in eisdem censibus habebunt, contradictione aliqua nonobstante ; promittens, etc...............

.

1 « Jor[danus].


1 Signé :