École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1291-1300 » 4 jul. 1294

De confirmatione tertiæ partis decimæ de Sarnaio.

  • B Copie. — Déclaration de 1511, fº 74 vº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis præsentes litteras inspecturis, Simon, permissione divina, episcopus Parisiensis, salutem in Domino : Notum facimus quod cum Johannes de Villa-Regis, armiger, et domicella Isabellis, ejus uxor, de parrochia de Sarnaio, vendiderunt et concesserunt, nomine venditionis, tertiam partem decimæ totius territorii de Sarnaio, quocumque loco dictum territorium se extendit, videlicet religiosis viris abbati et conventui Vallium Sarnaii et eorum monasterio, pro pretio quadraginta quatuor librarum parisiensium, prout in literis curiæ Parisiensis super hoc confectis plenius continetur1, præfati conjuges se de hujusmodi decima vendita desesierunt in manu nostra ; et nos venditionem et concessione prædictam, quantum in nobis est, volumus, concedimus, approbamus et auctoritate ordinaria confirmamus. In cujus rei testimonium, sigillum nostrum præsentibus duximus apponendum. .


1 Voir nº DCCCCXXXII, p. 904.