École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Jun. 1228

Admodiatio inter abbatias sancti Petri de Nialpha-Veteri et Vallium-Sarnaii, quarumdam decimarum apud Aytam et Vicum.

  • B Copie. — Déclaration, fº 115 vº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, Lucien Merlet et Auguste Moutié (éds.). Paris : Imprimerie H. Plon, 1857-1858.
D'après a.

Universis præsentes litteras inspecturis, Robertus, Dei permissione, ecclesiæ beati Petri de Nielpha-Veteri humilis minister et ejusdem ecclesiæ conventus, salutem in Domino : Noverit universitas vestra quod nos admodiavimus in perpetuum monachis Vallium Sarnaii decimam quam percipiebamus in quibusdam terris ipsorum apud Aytam, pro dimidio modio bladi quem percipiebant annis singulis in decima apud Vicum, ex dono Agnetis, relictæ defuncti Thyondi de Monteforti ; quem dimidium modium bladi nobis assignaverunt et tenentur garantizare bona fide. Quod si de cætero monachi Vallium Sarnaii acquisierunt aliquas terras in decimatione nostra, reddent nobis decimam nostram nisi aliter nobiscum composuerint. Ut autem hæc admodiatio firma et stabilis perseveret, præsentes litteras sigillis nostris fecimus roborari. Actum .