École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1271-1280 » 10 jun. 1271

" Aelina, uxor Radulphi Touroude, de dono cujusdam domus in vico de Gloriete. "

  • A Original en parchemin scellé1. — Inv., p. 80, l. 9, nº 12.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Noverint universi presentes et futuri quod ego Aelina, uxor Radulphi Thourode, intuitu pietatis et pro salute anime mee et antecessorum meorum, dedi, contuli et concessi, in puram et perpetuam elemosinam, religiosis viris abbati et conventui Vallium Sarneii et eorum successoribus, et pro participatione habenda omnium bonorum que fient de cetero in ordine dictorum religiosorum, medietatem cujusdam domus, site in vico de Gloriete, cum medietate cujusdam curtilli adjacentis dicte domui, siti inter domum heredum Odonis de Chevincuria, ex una parte, et masuram Galteri, dicti Noel, fratris mei, ex altera, tenendam et jure hereditario in perpetuum possidendam predictam medietatem dicte domus, cum medietate dicti curtilli, prefatis religiosis et eorum successoribus, libere, quiete et paciffice et absque aliqua mei vel heredum meorum reclamatione de cetero facienda, salvo tamen jure capitalium dominorum. Et ego predicta Aelina et heredes mei tenemur predictam medietatem dicte domus cum medietate dicti curtillii predictis religiosis et eorum successoribus contra omnes gentes garantizare et deliberare. In cujus rei testimonium, sigillum meum presentibus litteris dignum duxi apponendum. Et ad majorem confirmationem et securitatem, et in testimonium omnium premissorum, sigillum discreti viri decani de Vernone presentibus litteris apponi procuravi. Actum apostoli. Testibus hiis : Nicholao, tunc temporis clerico dicti decani ; Baldrico, oleario ; Symone de Foro, et pluribus aliis.


1 Deux sceaux en cire brune, sur double queue de parchemin.Sceau d'Aline Thourode. — De forme ronde. Une fleur de lis. Légende : S. Aeline. la. Torode. (Gravé.)Sceau du doyen de Vernon. — Déjà deécrit, p. 450.