École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Dec. 1259

De venditione cujusdam domus, Parisius, in vico qui dicitur ad Fenum.

  • A Original en parchemin. — Inv., p. 51, c. A, nº 26.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis ecclesie Parisiensis archidiaconi, salutem in Domino : Notum facimus quod Richardus Illuminator et Johanna, ejus uxor, asseruerunt quod ipsi habebant quamdam domum, sitam Parisius, ultra Parvum-Pontem, in vico qui dicitur vicus ad Fenum, ab oppositis domus monachorum Vallium Sarnaii, contiguam granchie Johannis Flamingi, ex una parte, et domui Ade scutiferi, ex altera, in censiva burgenssium Parisiensium, honeratam in duodecim denariis parisiensibus capitalis census et in quadraginta solidis parisiensibus incrementi census. Quam siquidem domum recognoverunt se dedisse et concessisse in perpetuum magistro Petro de Maceriis, clerico, et ejus heredibus, ad incrementum census duodecim denariorum parisiensium, solvendorum eisdem Richardo et Johanni et eorum heredibus, singulis annis, terminis pariter consuetis. Et promiserunt, etc............. Quod autem audivimus, hoc testamur, salvo jure cujuslibet. .