École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Nov. 1254

" C. Roberti de Pissiaco militis, de mortificatione terre de Esbiseors quam nobis vendiderunt Gellanus de Tivervalle et Maria uxor ejus. "

  • A Original en parchemin scellé1. — Inv., p. 146, l. 2, nº 8.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, Robertus de Pissiaco, miles, dominus de Avenariis, salutem in Domino : Notum omnibus fieri cupio quod ego ratam et gratam habeo venditionem illam quam fecerunt religiosis viris abbati et conventui Vallium Sarnaii Gellanus de Tyvervalle, draparius, dum adhuc viveret et in statu bono permaneret, et Maria, ejus uxor1, de quadam pecia terre, continente circiter duo arpenta, sita in feodo meo in primo loco, contigua prato dictorum monachorum de Esbysoriis, ex una parte, et ex alia, vie que ducit de dicta granchia ad Buxeriam, pro precio viginti librarum parisiensium ; volens et concedens, utpote dominus dicti feodi, ut jam dictum est, in primo loco, quod prefati religiosi jamdictam peciam terre eisdem a predictis Gellano et Maria venditam teneant in manu mortua et in futurum possideant, sine censu, costuma vel exactione qualibet vel quolibet alio honere, sine coactione vendendi aut extra manum suam ponendi ; ita quod ego vel heredes mei vel successores in dicta pecia terre nichil, ratione quacumque seu jure, reclamare poterimus in futurum ; totum jus et dominium quod in eadem terra habebam vel habere poteram transferens ex nunc in monachos antedictos. Predicti vero religiosi propter hoc faciendum dederunt michi sex libras parisiensium et solverunt in peccunia numerata. Quamtum ad omnia premissa erga dictos religiosos me obligo et heredes meos et successores et relinquo in perpetuum obligatos. Actum .


1 Voir la charte suivante et celle de sept. 1235, nº DLI.
1 Sceau rond, en cire brune, sur queue de parchemin. Un écu. de.... à six annelets de.... à une bande de..... brochant sur le tout. Légende : S. Roberti de Poissi. (Gravé.) — Nous nous bornons, pour le moment, à faire remarquer que ces armoiries sont bien différentes de celles du sceau de Simon de Poissy, en 1223, décrit nº CCXXXVII, p. 230. A. M.