École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Sept. 1259

" De duabus petiis terre apud Penilleuse et quadam masura vendita fratri Renoldo. "

  • A Original en parchemin. — Inv., p. 81, l. 10, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Noverint universi tam presentes quam futuri, quod ego Guillelmus Galeis, senior, de assensu et voluntate Emeline, [uxoris] mee, et heredum meorum, vendidi et concessi Renoldo de Coarvilla, filio defuncti Petri de Coarvilla, duas partes [terre] sitas in parrochia de Penillosa, quarum scilicet prima sita est apud le Roont Feuquerai, inter terram heredum Martini, [car]nificis, ex una parte, et terram Rogeri, filii Gervasii, ex altera ; et secunda sita est apud culturam Herqu...., inter terram dictorum heredum Martini, carnificis, ex una parte, et terram heredum dicti Petri de Boglein...., militis, defuncti, ex altera, pro undecim libris parisiensibus, etc........................... Et ego dictus Guillelmus assignavi in contraplegium dicto Renoldo et ejus heredibus unam peciam t[erre], sitam apud capellam de Penillosa, inter terram heredum Roberti de Cauda, defuncti, ex una [parte], et terram Rogeri, filii Gervasii, ex altera, ad sua dampna sive deperdita, valore ad valorem, [res]tauranda. Et ut hoc firmum et stabile permaneat in posterum, ego dictus Guillelmus presentem cartam sigilli mei munimine roboravi. Actum . Testibus hiis : Radulpho de Maio, Tiboudo le Vacher, Odone le Mercier, Ricardo le Sutor, Guiardo le Boulangier, Guillelmo le Meteer, et pluribus aliis.