École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 14 jun. 1285

" Robertus, dictus Amée, de Longua-Quercu, de donatione omnium bonorum suorum, mobilium et non mobilium, post decessum. "

  • A Original en parchemin. — Inv., p. 128, l. 1, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie archidiaconi Carnotensis in decanatu Ruppefortis, salutem in Domino : Notum facimus quod Robinus, dictus Bien-Emmée, de Longa-Quercu, et Anna, ejus uxor, recognoverunt se donasse et concessisse, ob remedium animarum suarum, donatione facta inter vivos, sine spe revocandi, ex nunc in puram et perpetuam elemosinam, religiosis viris abbati et conventui Vallium Sarnaii omne hereditagium quod habebant et acquirere poterant, tam ex parentum successione quam alio quocumque titulo, retento solum in dicto hereditagio, acquisito et acquirendo, usufructu, quamdiu vixerint ; ita tamen quod, post decessum primi decedentis, superstes dictorum conjugum totum dictum hereditagium tenebit et possidebit quamdiu vixerit, et post ipsorum obitum ad dictos religiosos sine aliquo impedimento libere revertetur. Addidit etiam predictus Robinus quod si contigerit ipsum prius viam universe carnis ingredi, uxore in seculo remanente, quod partem mobilium sibi contingentem immediate habeant religiosi supradicti, retentis solummodo in dictis mobilibus vinginti solidis parisiensibus cum suis vestibus et pannis lineis pro suis legatis persolvendis. Et promiserunt, etc..........................

In cujus rei testimonium et munimen, ad peticionem dictorum R[obini] et A[nne], ejus uxoris, sigillum nostre curie presentibus litteris duximus apponendum. apostoli.