École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1271-1280 » 26 aug. 1272

Carta Johannis, dicti Bourgonnel, de dimidio modio bladi in molendino de Becellis.

  • A Original en parchemin. — Inv., p. 139, l. 5, nº 3.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

apostoli, comparentibus in jure coram nobis procuratoribus religiosorum virorum abbatis et conventus Vallium Sarnaii, ex una parte, et Johanne, dicto Bourgonnel, castellano de Lupara, ex altera, confessus fuit dictus Johannes ea que sequuntur in modum qui sequitur. Confitetur Johannes, dictus Bourgonnel, castellanus de Lupara, quod cum abbas et conventus Yallium Sarnaii fuerint in possessione vel quasi habendi et percipiendi, annis singulis, dimidium modium bladi, in molendino de Becellis1, sito in parrochia de Stampis-Veteribus, de quo agitur ad mensuram stampensem : confitetur etiam quod ipse Johannes tenet dictum molendinum et tenuit a duobus annis citra, quod molendinum emit de Philippo de Veriis, milite : confitetur etiam quod per duos annos non solvit dictum bladum : confitetur etiam contradixisse reddere dictum bladum dictis religiosis pluries super hoc requisitus : dicit etiam uxorem suam decessisse. De quo blado predicto agebatur coram nobis, prout in petitione dictorum religiosorum continetur. Quibus sic actis, nos assignavimus dictis partibus diem mercurii instantem ad faciendum super premissis et in dicta causa quod de jure fuerit faciendum. Constituit autem dictus Johannes de Bourgonnel Johannem Porterium de Lupara procuratorem suum, apud acta et agenda ad totam causam. .


1 Ce demi-muid de blé avait été donné à l'abbaye par Adam, chevalier, et lui avait été confirmé par Renaud de Mouçon, évêque de Chartres, en novembre 1197. Voir nº CIX, p. 126.