École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 26 apr. 1289

De confirmatione quinque solidorum parisieusium annui redditus apud Vernonem.

  • A Original en parchemin. — Inv., p. 81, l. 10, nº 5.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus bec visuris, Petrus de Portu, prepositus de Vernone, salutem in Domino : Noveritis quod Mauricius, rector ecclesie de Garennis, recognovit quod cum Garnerus Olearius, quondam pater suus, dum vivebat seu in rebus agebat humanis, intuitu pietatis, pro salute anime sue et antecessorum suorum, dedisset et concessisset religiosis viris abbati et conventui Vallium Sarnaii quinque solidos parisienses annui redditus, sitos et assignatos super quadam domo, sita in parrochia beate Marie Vernonis, inter domum heredum Baldrici Olearii, ex una parte, et domum heredum Roberti Angeli, ex altera, et dicti religiosi, ex causa dicte donationis, fuerint et extiterint a tempore dicte donationis facte a dicto Garnero, patre suo, in pura, libera et corporali possessione percipiendi et habendi dictos quinque solidos parisienses annui redditus per quinquaginta annos vel circa annuatim a tenentibus et inhabitantibus dictam domum, dictus Mauricius, filius et heres dicti Garneri, patris sui, volens dictam donationem a dicto Garnero, patre suo, factam aliquo casu irritari vel infringi vel sua firmitate carere, per se vel per alium quemcumque, donacionem ratam habet et habuit et gratam, et eam coram nobis confirmavit in perpetuum valituram. In cujus rei testimonium, sigillum prepositure Vernonis presentibus litteris, ad peticionem dicti Mauricii, apposuimus. Actum , evangeliste.