École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Nov. 1228

De domo super Sequanam, retro ecclesiam Sancti Martini de Ripa.

  • A Original en parchemin scellé2 — Suppl, cart. 2, l. 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus Christi fidelibus ad quos presens scriptum pervenerit, Th[eobaldus], Dei gratia, Rothomagensis archiepiscopus, salutem in Domino : Noverit universitas vestra quod Robertus de Castro, Arnulfus Belet, Petrus de Mauldestour et Matildis, uxor sua, tactis sacrosanctis ewangeliis, voluntate spontanea, juraverunt quod in toto tenemento ligneo et lapideo quod Johannes de Castro, quondam maritus dicte Matildis, de decano et capitulo Rothomagensi tenuerat, quod situm est super Secanam, videlicet retro ecclesiam Sancti Martini super Ripam1, sicut se proportat longitudine et lalitudine, cum toto porprisio, quod videlicet tenementum dicti Robertus, Arnulfus, Petrus de Maudestour et Matildis in manus dictorum decani et capituli resignaverunt, nichil de cetero reclamabunt, nomine hereditagii vel aliquo alio modo, nec aliquis per ipsos. In cujus rei testimonium, sigillum curie nostre duximus apponendum. . Valete.


1 V. nº CXXVII, p. 145, et la charte précédente.
2 Petit sceau en cire verte, sur queue de parchemin. Légende : Sigill. cvrie Rothomagensis.