École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 10 mart. 1282, n. s.

" Hugo de Villaribus, miles, et uxor ejus, de mortificatione VI acrarum terre et dimidia. "

  • A Original en parchemin. — Inv., p. 97, l. 3, nº 19.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Hugo de Villaribus, miles, et domina Milesendis, ejus uxor, salutem in Domino : Noverit universitas vestra quod cum dilecti nobis religiosi viri abbas et conventus Vallium Sarnaii acquisivissent sibi per Jobannem, dictum Chevalier, redditum ac donatum suum et ex causa emptionis sex acras terre arabilis et dimidiam in parrochia de Heubecourt, sitas in feodo nostro, scilicet unam peciam in territorio quod dicitur la Croiz du Luat, juxta chiminum de Gaaneio et de Andeliaco, ex una parte, et terram canonicorum de Salicosa, ex altera ; item unam peciam in territorio quod dicitur la Mare Beneeton, juxta terram Thome, ex una parte, et maram, ex altera ; item unam peciam in territorio quod dicitur le Murgier Malemouche, juxta terras que fuerunt domini Johannis de Heubecourt, militis, ex una parte, et terras canonicorum de Salicosa, ex altera ; item unam peciam in territorio quod dicitur Campus du Noier, juxta terram Gacii, ex una parte, et terram canonicorum de Salicosa, ex altera1. Et dictis religiosis dedissemus in preceptis de ponendo dictam terram extra manum mortuam ad jura feodi nostri laicalis conservanda, et ipsi nobis in hoc obedientes parati fuissent hoc facere ; nos, intellecta eorum humilitate et obediencia, de communi consilio nostro et de voluntate Almarrici, primogeniti nostri, et aliorum liberorum nostrorum, volumus, promittimus et consentimus, et hac presenti carta confirmamus, intuitu pietatis et pro salute animarum nostrarum, quod dicti religiosi habeant et teneant sibi et successoribus suis, in proprios usus suos et monasterii sui, in perpetuum, dictas sex acras et dimidiam, sicut se proportant in longum et in latum, libere, pacifice et quiete, pro sex libris parisiensibus, quas nobis dederunt in peccunia numerata, etc............................ reddendo etiam nobis et heredibus nostris duos denarios parisienses pro terra antedicta annuatim, . Ego vero dictus miles et ego dicta Milesendis, uxor ejus, et heredes nostri, dictam terram ab omni impedimento, vexatione et molestia que a nobis vel heredibus nostris possent contingere, accidere vel provenire contra omnes mortales in perpetuum garantizare tenebimur et defendere. Et in horum omnium testimonium et perpetuam firmitatem, nos predicti Hugo et Milesendis, ejas uxor, sigilla nostra presentibus litteris apposuimus. .


1 Voir nº DCCCXIII, p. 772.