École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Dec. 1239

" Carta Nicholai de la Baate armigeri, de concessione terre quam vendidit Emelina relicta Petri Ramel, que sita est prope Fossam Germundi. "

  • A Original en parchemin. — Inv., p. 86, l. 1, nº 19.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, ego Nicholaus de la Baate, armiger, notum facio quod Emelina, relicta Petri Ramel de Abluis, in presentia mea, de assensu et voluntate filiorum suorum, Guillermi videlicet et Gaufridi, et Susanne, filie sue, vendidit viris religiosis abbati et conventui Vallium Sarnaii unam petiam terre sitam prope Fossam Germondi, conjunctam terre mee, ex una parte, et terre Petri Gontier, ex altera, liberam ab omni genere redditus et servitii penitus et quietam, pro viginti et octo libris carnotensibus. Michael vero Tebert, qui tenet feodum de me de quo dicta terra movebat, predictam venditionem voluit et concessit, et decimam quam in supradicta terra habebat dictis monachis omnino quittavit. Nos autem predicti Nicholaus et Michael tam dictam terram quam decimam, sicut domini feodales, dictis monachis contra omnes, bona fide, manu cepimus in perpetuum garantire. Et quia dictus Michael sigillum non habebat, ad petitionem partium et dicti Michaelis, presentes litteras sigillo meo confirmavi. Actum .