École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » 17 mai. 1269

" Carta de emptione terre apud Bercherias a Maria, relicta Droconis Voisin, anno LXIXo. "

  • A Original en parchemin. — Inv., p. 14, l. 5, nº 1.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis archidiaconi Carnotensis, salutem in Domino : Noveritis quod Maria, relicta Droconis Voisin, quondam civis Carnotensis, asserens se habere et possidere apud Bercherias-la-Meingot, in dominio seu censiva abbatis et conventus Vallium Sarnei, circa quinque minas terre, sitas retro monasterium de dictis Bercheriis, scilicet Sancti Petri, illam eandem terram vendidit et nomine venditionis concessit dictis abbati et conventui, pro precio sexdecim librarum carnotensium, de qua pecunie summa dicta relicta per fidem suam se tenuit pro pagata. Quam terram venditam, cum omni jure, dominio, proprietate et possessione quam in ea habebat, dicta relicta, quacumque ratione sive causa, quitavit coram nobis penitus dictis emptoribus et eorum successoribus in futurum, etc.............

Et in contraplegium dicte venditionis predicta relicta obligavit dictis religiosis quandam peciam terre quam dicebat se habere, sitam apud Haias de Ulmis, ad usus et consuetudines carnotenses. Et similiter Michael, dictus Comes, pro dicta terra dictis religiosis garandizanda obligavit se et heredes suos quoscumque, et omnia bona sua mobilia et immobilia, fide sua religiosis predictis. In cujus rei testimonium et munimen, presentibus litteris sigillum curie nostre duximus apponendum. .