École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Feb. 1250, n. s

" C. domini G. de Nyalpha, decani Turonensis, de XVII sextariis bladi et XXX sextariis avene, ex dono ipsius, que olim quidam armigeri percipiebant in granchia nostra de Ebysoers. "

  • A Original en parchemin scellé2. — Inv., p. 146, l. 2, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Guido de Nialpha, decanus ecclesie beati Martini Turonensis, salutem in Domino : Notum facimus quod cum nos emissemus a Johanne, dicto Sanz-Pitié, et Milone, fratre ejus, armigeris, octo sextaria et plenam minam bladi, et septem sextaria et plenam minam avene que percipiebant annuatim in granchia de Esbisoers ; item ab eisdem Johanne et Milone octo sextaria bladi et plenam minam, et septem sextaria et plenam minam avene, que domina Philippa,uxor domini Gaufridi de Huaneria, militis, tenet ratione dotalicii et percipit annuatim in eadem granchia ; item cum emissemus ab eisdem armigeris quindecim sextaria avene, que domina Petronilla de Cresseyo, relicta defuncti Simonis de Alneto, similiter percipit annuatim in eadem granchia jure dotalicii ; que supradicta, videlicet octo sextaria et plenam minam bladi, et septem sextaria et plenam minam avene que dicta Philippa tenet modo supradicto, et quindecim sextaria avene que dicta Petronilla tenet similiter modo supradicto, ad dictos armigeros jure hereditario debebunt devenire ; que quidem omnia movebant primo loco de feodo nostro : Nos hec omnia et singula supradicta dedimus et concessimus, in puram et perpetuam elemosinam, dilectis nostris viris religiosis abbati et conventui Vallium Sarnaii, pro remedio anime nostre et parentum nostrorum, ab ipsis in perpetuum in manu mortua possidenda. Et hec fecimus de voluntate expressa et assensu Guidonis de Caprosia, nunc armigeri, castellani Nialphe, et Marie, uxoris ejus, neptis nostre, de quorum feodo secundo loco movebant supradicta, qui nobis dederant plenariam potestatem alienandi et elemosinandi in manu mortua, ad voluntatem nostram, omnia supradicta, sicut in ipsorum litteris plenius continetur1. In eisdem etiam rebus nichil juris, dominii seu proprietatis retinuimus, transferentes, ex nunc perpetuo, in dictos abbatem et conventum et eorum monasterium omne jus et dominium que nos habebamus vel habere poteramus vel que nobis competebant vel competere poterant, quocumque modo sive jure, in omnibus predictis ; promittentes, etc.........

In cujus rei testimonium, presentes litteras sigilli nostri munimine roboravimus. Actum .


1 Voir la charte précédente.
2 Sceau ogival, en cire verte, sur queue de parchemin. Saint Martin donnant la moitié de son manteau à un pauvre ; et au-dessous, dans une arcade ogivale subtrilobée, le doyen de Tours agenouillé et les mains jointes. Légende : † S. Gvidonis de Nealp... ecani beati Martini Tor. Au contre-sceau, le lion de Neauphle. Légende : † Secrety. Gvidonis de Nealfa. (Décrits et gravés à l'aide d'un double original.)