École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Apr. 1249

"Carta Girardi, archidiaconi Parisiensis, de duobus sextariis frumenti et uno avene, que nobis vendiderunt Hodoynus dictus Leduc et Petronilla uxor ejus ; que tria sextaria percipiebant in granchia nostra de Crechies, singulis annis, ad festum Omnium Sanctorum. "

  • A Original en parchemin. — Inv., p. 141, l. 1, nº 8.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Girardus, ecclesie Parisiensis archidiaconus, salutem in Domino : Notum facimus quod Hedoynus,dictus Leduc, clericus uxoratus, Petronilla, ejus uxor, et Mabilia Blanche, matertera dicti Hodoini, asseruerunt quod ipsi habebant et percipiebant annuatim, , in granchia de Crachiis juxta Pomeret, duo sextaria frumenti et unum avene ad minam de Molleriis redditus annuatim ; que duo sextaria frumenti et unum avene annui redditus eisdem Hodoyno et Mabilie obvenerant, ut dicebant, ex caduco defuncti Reginaldi, de quo fit mentio in litteris bone memorie Mauricii, quondam episcopi Parisiensis ; qui predictum redditum, tempore quo vivebat, habebat et percipiebat, ut dicitur, sicut in litteris dicti episcopi vidimus contineri ; que etiam duo sextaria frumenti et unum avene dicti Hedoinus, Petronilla, ejus uxor, et Mabilia, recognoverunt se vendidisse et im perpetuum quittaverunt viris religiosis abbati et conventui Vallium Sarnaii, pro tresdecim libris parisiensibus. Et promittentes, etc.....

Actum .