École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Apr. 1216

Carta Rogerii de Porta, " de masura apud Vernonem, et decima de Heubecort et pluribus aliis.

  • A Original en parchemin. — Inv., p. 74, l. 4, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Noverint universi quod ego, Rogerus de Porta, miles, monachos Vallium Sarnaii, et eorum hospites, et omnes res illorum pacifice quitavi ab omnibus querelis ; et concessi quatinus quiete et libere ab omnibus consuetudinibus, serviciis, justiciis et exactionibus, quantum ad me pertinet et heredes meos, habeant et teneant in perpetuum totam masuram suam, cum omnibus edificiis et appendiciis ejusdem apud Vernonem, prope portam Medunte sitam, et decimam, quam Godefridus Albus2, miles, ipsis elemosinavit apud Heubecort, et unum arpennum vinee, in Doariis situm, et dimidium modium vini, et novem denarios censuales in vinea sua de l'Erable, quos eisdem, pro anima Willelmi, patris mei, elemosinavi. Preterea concessi eisdem monachis quatinus in perpetuum teneant dimidium arpennum vinee apud l'Erable, pro dimidio modio vini de modiatione et pro sex denariis censualibus. Quod, ut ratum et inconcussum in posterum permaneat, presens scriptum sigilli mei munimine roboravi. Testibus hiis : Johanne de Inferno, Mauricio de Rothomago, presbiteris ; Radulfo de Coppigneio ; Hugone de Fraxino et pluribus aliis. Actum .


2 Voyez l'acte de donation du 2 juin 1209 nº CLXII) ; Godefroi y est appelé Li Blans.