École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » 10 nov. 1263

" C. officialis Parisiensis, de sex solidis parisiensibus quos nobis debet reddere annuatim Johannes de Linays. "

  • A Original en parchemin. — Inv., p. 136, 1. 2, nº 12.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, officialis curie Parisiensis, salutem in Domino : Notum facimus quod Johannes, dictus de Linays, recognovit se debere religiosis viris abbati et conventui Vallium Sarnei sex solidos parisienses, pro decima quam percipere consueverunt annis singulis, in vinea sua que vocatur la Plante, sita apud Castras, super cimiterium sancti Germani de Castris. Quos siquidem sex solidos parisienses supradictos tenetur et promisit reddere et solvere dictis abbati et conventui, , annis singulis, et portare in domo predictorum abbatis et conventus, que est apud Bruerias, sex solidos predictos in termino supradicto, fide prestita corporali. Promisit etiam sub prestita fide quod tantum procurabit et faciet erga Petronillam, uxorem suam, quod consimiles litteras dabit de hoc faciendo et fideliter adimplendo, sub sigillo domini Parisiensis episcopi vel venerabilis viri Guillelmi, archidiaconi Parisiensis, quotienscumque super hoc fuerit requisita, dictorum abbatis et conventus propriis sumptibus et expensis. Volens et concedens idem Johannes quod si in premissis vel aliquo premissorum defecerit quod nos in ipsum, ubicumque se transferat, excommunicationis sententiam proferamus, juridicioni Parisiensis curie, quamtum ad hoc, se supponendo. .