École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Mart. 1239, n. s

Littere Johannis castellani de Molignon, de quitatione nemoris de Bolognele. "

  • A Original en parchemin scellé1. — Inv., p. 121, l. 1, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, ego Johannes, castellanus de Bunnou et dominus de Molignon, salutem in Domino : Notum vobis fieri volo quod querela que inter me, ex una parte, et abbatem et conventum Vallium Sarnaii, ex altera, fuit, eo quod in nemore eorum de Boillonnello petebam usuarium et consuetudinem, sopita est in hunc modum : Ex consensu utriusque partis, compromissum est in duos arbitros, scilicet Raginaldum de Plessiaco, prepositum Corboliensem, et Guillelmum de Trapis, burgensem de Monte-Letherici, et ab utraque parte est firmata compromissio, videlicet a parte monachorum per litteras abbatis patentes pro se et conventu ; et ex parte mea ita firmata est compromissio ut ego et Hersendis, uxor mea, fidem nostram dedimus corporalem, promittentes tam nos quam monachi, quod quicquid illi duo arbitri pace vel judicio dicerent vel statuerent, ab utrisque partibus haut et bas inviolabiliter foret tenendum et observandum. Predicti vero arbitri, habita secum deliberatione et diligenti facta inquisitione, protulerunt dictum suum in hunc modum, videlicet ut ego dictum usuarium et consuetudinem quam petebam in nemore monachorum supradicto, eis de cetero omnimodo quitarem et in eodem nunquam ulterius aliquo modo per me vel per alium reclamarem : injungentes michi in virtute sacramenti fidei mee necnon et per sacramentum fidei Hersendis, supradicte uxoris mee, ut presentes litteras in signum perpetue quitationis sigillarem. Ego vero, dicto eorum obediens et voluntati satisfaciens, sigilli mei appositione presentem paginam dignum duxi roborare. Actum .


1 Sceau ogival en cire verte, sur queue de parchemin. Un écu de....... au dragon de...... Légende : .... Ioh.....ani de Bvn... Le même écu au contre-sceau, et pour légende : † S. Ioh[annis] castellani de Bvn. (Gravé.)