École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » Jan. 1266, n. s.

Carta Guidonis, domini Alneoli, de medietate totius campipartis apud Boscum-Gachonis.

  • A Original en parchemin scellé1. — Inv., p. 140, l. 7.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Guido, dominus Alneoli, miles, et Leticia, uxor ejus, Guido, miles, filius dicti Guidonis, et Avelina, uxor ejus, salutem in Domino : Noveritis quod ego Guido, dominus Alneoli, predictus, et Leticia, uxor mea, donavimus et donationis nomine concessimus, donatione facta inter vivos, viris religiosis abbati et conventui Vallium Sarnaii, in puram et perpetuam elemosinam, ob remedium animarum nostrarum, medietatem tocius campipartis quam habemus et possidemus, sitam apud quemdam locum qui dicitur Boscus Gachonis, in parrochia sancti Remigii de Alneolo, in feodo Crispini de Ruppeforti, quondam militis, et decem solidos vel amplius annui redditus, , solvendos, cum tribus sextariis mestive, circa dictum habendis et percipiendis annuatim, et angarias sive jugera singulorum equorum solvendas, singulis annis, mense marcio, ab omnibus illis qui dictam campipartem solvere tenentur, quos tamen equos habere contigerit ; quam quidem campipartem, cum omnibus premissis superius annotatis que ad dictam campipartem de jure sive de consuetudine pertinent, acquisivimus constante matrimonio inter nos ; promittentes, etc.............................. Ego autem Guido predictus, filius dicti Guidonis, et Avelina, uxor mea supradicta, dictam donacionem factam de premissis volumus, laudamus et approbamus, et promittimus quod contra donationem ipsam, per nos vel per alios, non veniemus nec aliquid reclamabimus in futurum ; et quantum ad omnia que promisimus observanda heredes nostros similiter obligamus et relinquimus in perpetuum obligatos. In cujus rei testimonium et munimen, predictis religiosis presentes litteras sigillorum nostrorum impressionibus dedimus sigillatas. . ».


1 Des trois sceaux dont cet acte était scellé, celui du milieu n'offre plus que des débris ; les deux autres, quoique fort endommagés, laissent entrevoir un écu de.... à cinq bandes uo cotices de ........ Cet écu est, comme on le voit, exactement semblable au sceau de Jean de Voise, décrit note 1, p. 433, et gravé.