École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1271-1280 » 27 oct. 1276

" Johannis de Bercheriis clerici, " de omnibus bonis suis.

  • A Original en parchemin. — Inv., p. 17, l. 8, nº 10.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis Carnotensis, sede vacante, salutem in Domino : Noveritis quod Johannes de Bercheriis, clericus, dedit, contulit et concessit, donatione facta inter vivos, in puram et perpetuam elemosinam, abbati et conventui monasterii de Vallibus Sarneii, ex nunc omnia bona sua, mobilia et inmobilia, presencia et futura, ubicumque sint et in quibuscumque locis et rebus existant , tenenda, habenda et pacifice possidenda ab ipsis abbate et conventu et eorum monasterio seu eorum mandato, ut sua in futurum, cum omni jure, dominio, proprietate et possessione, quod et quam ipse habebat aut habere poterat seu debebat, ratione paterne et materne acquiramenti, hereditatis aut qualibet alia ratione sive causa, predicta jus, dominium, proprietatem et possessionem in dictos abbatem et conventum per traditionem presencium penitus absque aliquo retentu transferendo ; promittens, etc.......................

Et nos, hoc audito, ipsum Johannem, presentem coram nobis, volentem et in hoc expresse consentientem et premissa vera esse confitentem, ad hec facienda in scriptis sententialiter condempnamus ; cui condempnationi sibi facte a nobis acquievit coram nobis. In cujus rei testimonium, memoriam et munimen, ad petitionem dicti Johannis, sigillum nostrum duximus apponendum. .