École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » 15 feb. 1263, n. s.

" De compositione facta inter nos et magistrum leprosie de Givisiaco. "

  • A Original en parchemin. — Inv, p. 65, l. 7, nº 23.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie Parisiensis, salutem in Domino : Notum facimus quod cum contentio sive discordia verteretur inter religiosum virum Guerinum, abbatem Vallis Sarnay, suo et ecclesie sue nomine, ex una parte, et Petrum, presbiterum et magistrum leprosie de Givisiaco, suo et dicte leprosie sue nomine, ex altera, super bonis mobilibus et immobilibus Sanceline, relicte defuncti Bertaudi, dicti Billet, de Athiis, morbo lepre infecte, que bona dictus magister dicebat ad ipsum et ejus leprosiam, pro eo quod morbo lepre infecta erat, pertinere, dicto abbate in contrarium asserente et dicente bona ipsius Sanceline ad ipsum et monasterium suum pertinere ex donatione ab ipsa Sancelina ecclesie sue, donatione inter vivos, facta, ut dicebat : tandem dicte partes, bonorum ducte consilio, in nostra propter hoc presencia personaliter constitute, videlicet dictus abbas, suo et ecclesie sue nomine, ex una parte, et dictus Petrus, magister dicte leprosie, suo et predicte leprosie nomine, ex altera, super dicta contentione sive discordia recognoverunt inter se amicabiliter compositum seu ordinatum esse in modum qui sequitur : videlicet quod dictus abbas, nomine suo et monasterii, habebit et tenebit et perpetuo possidebit omnia bona mobilia dicte Sanceline et medietatem omnium bonorum immobilium ; et dictus magister habebit similiter et perpetuo pacifice possidebit aliam medietatem omnium bonorum immobilium ubicumque existentium, ita quod dictus abbas acquittabit et acquitare tenetur debita, que dicta Sancelina debet usque ad valorem viginti librarum solum, et si summa debitorum ascendat summam viginti librarum predictarum, dictus abbas medietatem solvet et dictus magister dicte leprosie aliam medietatem ; promittentes dicti abbas, nomine suo et ejus monasterii, ex una parte, et dictus magister, suo et dicte leprosie de Givisiaco nomine, ex altera, stipulacione legitima interjecta, quod contra pacificationem istam seu ordinationem de cetero, per se vel per alium, non venient ullo jure, et quod eandem compositionem seu pacificationem, prout superius est expressum, inviolabiliter observabunt, juridictioni curie Parisiensis, quantum ad hoc, se supponentes dicte partes. In cujus rei testimonium, sigillum curie Parisiensis, ad petitionem partium, lilteris presentibus duximus apponendum. post Cineres.

1 « Bartholomeus.


1 Signé :