École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 18 jul. 1286

" Quitacio Raol Haly et Beatricis, uxoris ejus, de una pecia vinee quam dimiserunt in manu nostra. "

  • A Original en parchemin. — Inv., p. 74, l. 3, nº 14.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

A touz ceus qui ces lettres verront et orront, Nicholas Gascoins, clerc, garde du seel de la prévosté de Vernon, saluz : Sachez que par devant nos furent présenz Raol Hahy et Béatriz, sa fame, et recognurent (de bonne) volenté que il avoint quitté et délaysé de tot en tout, en plene propriété une pièce de vingne, assise ou territoire de Boissart, entre la vigne Marie du Bois, d'une part, et la vigne Robert le Charon, de l'autre, à hommes religieus, l'abbé et le couvent de Nostre-Dame de Vaus de Sarnay, pour un baril de vin que il lor devoint de rente ; laquele vingne ledit Raol avoit achatée de Michelet le Mogeycier ; et veimes les lettres de l'achet bones et entières. Et promistrent, etc............

Et ce certifion nous et témoignons par ces lettres seelées du seel de la prévousté de Vernon. Ce fu fet .