" Carta de uno arpento prati quod nobis concessit Petrus, miles, de Sancto Hylarione. "
- A Original en parchemin scellé1. — Inv., p. 16, 1. 8, nº 3.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, Petrus de Sancto Hilarione, miles, salutem in Domino : Notum facio quod in escambium et recompensationem quatuor sextariorum bladi annui redditus in quibus tenebar religiosis viris abbati et conventui Vallium Sarnaii dedi, cessi et concessi, in perpetuam elemosinam, propter remedium anime mee, patris et matris mee et antecessorum meorum, unum arpentum prati, situm in loco qui dicitur Magnum Pratum, in parrochia Sancti Hylarionis, junctum ex una parte prato domini Andree, dicti Polin, militis, et ex alia parte junctum prato domini Guerini, militis, fratris magistri Petri, militis, liberum et quitum ab omni censu, honere et costuma, tenendum et habendum ab ipsis religiosis in manu mortua, et in perpetuo possidendum. Promittens, etc............................ In cujus rei testimonium et munimen, presentes litteras dictis religiosis dedi sigillo meo sigillatas. Et de dicto prato in manu domni Guerini, abbatis Vallium Sarnaii, me, nomine sui monasterii, desesivi : presentibus : Guidone de Ruppeforti et Guerino de Sancto Hyllarione, militibus ; fratre Petro, dicto Chauvel ; fratre Guillelmo de Pateio, monachis monasterii supradicti, et Roberto de Baseinvilla, clerico, procuratore monasterii antedicti. .
