École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Sept. 1255

" C. domini Guidonis, decani Turonensis, de mortificatione terre quam vendiderunt nobis Gellanus draperius de Tyvervalle et Maria ejus uxor. "

  • A Original en parchemin. — Inv., p. 146, l. 2, nº 9.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, Guido de Nealpha, decanus ecclesie beati Martini Turonensis, salutem in Domino : Notum facimus quod nos, de voluntate et assensu karissimorum fratrum nostrorum, videlicet Johannis, celerarii ecclesie beati Martini Turonensis, Richardi de Blarruto, militis1, et Margarite, uxoris sue, volumus et concedimus quod dilecti nostri abbas et conventus Vallium Sarnei teneant in manu mortua et in perpetuum possideant, sine coactione vendendi aut extra manum suam ponendi, unam peciam terre quam eisdem vendiderunt Gollanus de Tivervalle, dictus draparius, et Maria, ejus uxor, pro precio viginti librarum parisiensium2, continentem circiter duo sextaria seminis sive duo arpenta, sitam in primo loco in feodo et dominio domini Roberti de Pissiaco, militis, in secundo loco de feodo nostro et dominio moventem, contiguam prato dictorum monachoram de Ebisoriis, ex una parte, et ex alia, vie que ducit de dicta granchia ad Buxeriam, volentes et concedentes quod dicti monachi dictam peciam terre in manu mortua teneant, ut dictum est, et possideant in futurum. Item volumus et concedimus, de assensu et voluntate predictorum fratrum nostrorum, quod prefati monachi teneant et in futurum possideant, in manu mortua, unam peciam terre quam, pie et in elemosinam, dedit eisdem Galterus de Tivervalle, miles, sitam in loco qui dicitur Vallis Huboudi, juxta terram dictorum monachorum de granchia sua de Esbisoers supradicta ex duobus lateribus, et ex tertio latere juxta terram monialium de Sancto Cyrico, et ex quarto latere juxta terras prioris de Plesiaco1. Volentes et concedentes dictam venditionem et donationem, ut predictas pecias terre teneant predicti religiosi, ut sepedictum est, in manu mortua, et sine coactione vendendi aut extra manum suam ponendi, et in perpetuum possideant libere et quiete. In cujus rei testimonium, presentes litteras dedimus monachis antedictis sigilli nostri impressione munitas. Actum .


1 Nous appellerons l'attention sur ces noms des deux frères de Gui de Neauphle ; ils seront très-importants pour etablir la genealogie des seigneurs de Neauphle, pour laquelle ce Cartulaire devra être d'un grand secours.
2 Voir nº DXLIII, p. 502.
1 Voir nº DXXXVII, p. 497.